Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

Arkivoj

Kategorioj

La 967-a E_elsendo el la 29.05.2020 ĉe www.pola-retradio.org

Nian hodiaŭan elsendon komencas kronvirusaj informoj i.a. pri la komenciĝonta sabate  lasta etapo de la forigado de la pandemiaj rigoroj en Pollando. La kulturtema kroniko prezentas novan subĉielan ekspozicion ĉe la parka barilo de la varsovia Łazienki el la kolektoj de la krakova Czartoryski-muzeo. Ni informas pri nova ekspozicio de  japanaj artistoj en la krakova Manggha-muzeo. En la E-komunuma segmento ni informas pri la forpasoj, kiuj en la ĵusaj tagoj trafis niajn vicojn. Temas pri brita aktivulo, ĉefdelegito de UEA Hilary Bill Chapman kaj Victor Sadler el Britio/Nederlando, eksa direktoro de UEA, redaktoro de „Esperanto”, lingvisto. Ni prezentas detalojn de la literatura konkurso de Bjalistoka E-Societo nunjare dediĉita al la pandemio. En la fino ni proponas renkontiĝon en Leterkesto. Muzike aŭdiĝas fragmente la E-versio de la meksika kanzono „Je via unua foj’ en la plenumo de Ĉente (Vicente Valdés Bejarano). La interreta foto akompananta nian programinformon prezentas verkon de japana artisto Araki el la krakova ekspozicio „Rande de ombro” funkcianta en Manggha-muzeo. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 966-a E_elsendo el la 26.05.2019 ĉe www.pola-retradio.org

UEA anoncis organizon de kelkmonata reta Monda Festivalo, kadre de kiu estas planita virtuala Kongreso en la periodo, en kiu estis okazonta la 105-a UK en Montrealo. Ĝi estis revokita. Samtempe la E-komunumo evidente i.a. pro la kronvirusa pandemio virtualiĝas. Ni memorigas aliflanke el nia arkivejo intervjuon kun d-ro Ulrich Lins de antaŭ 15 jaroj, kiam ni solenis la 100-jariĝon de la unua E-kongreso en Bulonjo ĉe Maro, la kongreso, kiu fundamentis la kreiĝon de la reala E-komunumo. En la komenco aŭdiĝas mallonga kronvirusa kroniko, post kiu sekvas aktualaĵoj. Ni informas i.a. pri la situacio de la monda ekonomio en la pandemia kunteksto. La sciencbultenaj temoj rilatas i.a. al nova maniero savi la koralajn rifojn kaj al silikona rubando de polaj sciencistoj kontrolanta la kaplezojn. En Pollando hodiaŭ ni solenas Tagon de Patrino. Muzike do ni prezentas fragmenton de la kanzono „Dum kiu vivas via patrino” de Ĵomart kaj Nataŝa. La interreta foto apudanta la programinformon bildigas Grandan Aŭstralian Rifon, reference al unu el la sciencrubrikaj temoj. En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun la indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu  servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 965-a E_elsendo el la 22.05.2020 ĉe www.pola-retradio.org

Hodiaŭ ni proponas enrigardi kaj trafoliumi kun ni kelkajn E-gazetojn. Temas pri la 2-aj numeroj de „Esperantolehti” kaj „La Revuo Orienta”, pri la nunjara kajero de TAKE, dediĉita al arkitekturo, pri la 56-a numero de la bita bulteno el Vieno „La Bulteno”. En la komenco de la programo ni prezentas kronvirusan kronikon. La kulturrilataj informoj koncernas la statistikaĵojn pri la vizitoj en muzeoj en 2019 kaj rekonstruon de palaco en la loko Sztynort. La E-komunuma segmento prezentas la novan estraron de Hodler-instituto kaj informas pri la korealingva versio de la dramo de Julian Modest „Ni vivos”. Muzike ni prezentas fragmente la kanzonon „Violbukedo” en la plenumo de Attila Schimmer. La interreta foto akompananta nian programinformon prezentas detalon el la iama aspekto de la palaco en Sztynort, nun restaŭrata.
Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „felietonoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 964-a E_elsendo el la 19.05.2019 ĉe www.pola-retradio.org

Antaŭ unu semajno la jubileon de 10-jariĝo solenis la E-libraro en Bjalistoko. Tio estas la okazo ne sole por gratuli al la bjalistokaj esperantistoj, sed ankaŭ por gastigi antaŭ nia mikrofono Ela Karczewska, kiu ekde la komenco zorgas pri ĝiaj kolektoj. En la komenco aŭdiĝas mallonga kronvirusa kroniko, post kiu sekvas aktualaĵoj. Ni informas pri la lastaj formalaĵoj por elkonstruo de la gaskondukilo Baltic Pipe, pri nova promenejo tra la arbobranĉaro apud Poznano kaj pri unu el la plej belaj en Eŭropo tegmentaj parkoj, kiu troviĝas en Varsovio. La sciencbultena temo riltas al polaj kontraŭbakteriaj kaj kontraŭmikozaj naĝiloj. Muzike ni prezentas la kanzonon „Pli da fort’”en la plenumo de Bjalistokaj Prezentaĵoj. La interreta foto apudanta la programinformon prezentas fragmenton de la surtegmenta parko en Varsovio sur la konstruaĵo de la Universitata Biblioteko. En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun la indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. Eksterelsende en la rubriko „Antaŭ la mikrofono” troviĝas eksterelsende interparolo kun nia antaŭmikrofona gasto. La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 963-a E_elsendo el la 15.05.2020 ĉe www.pola-retradio.org

Nia nunsemajna felietono estas dediĉita al la figuro de Władysław Turowicz, polo kaj samtempe la nacia heroo de Pakistano, la kunestablinto de la Pakistanaj Aerfortoj.
Nia kronvirusa kroniko informas i.a. pri pliaj mildigoj de kronvirusaj rigoroj en Pollando. Sekvas ĝin abundaj kulturkronikaj informoj pri la kultura oferto de Poznano por la pandemia tempo, pri tri historiaj tolaĵoj revenintaj al la restaŭrata kastelo en Książ (la sudokcidenta Pollando), pri retrovitaj romiepokaj moneroj en la orienta Pollando. La E-komunumaj informoj rilatas al kelklingva fotoalbumo (ankaŭ E-lingva) pri Oomoto de Bill Roberts, pri la rete okazonta IMEK de esperantistaj medicinistoj. Muzike ni memorigas la kanton de Anjo Amika „Trovis mi Patrujon” kaj de JoMo „Sur la mar’, devenantan el la KD „JoMo friponas” eldonita de Vinilkosmo. La interreta foto akompananta nian programinformon prezentas romiajn monerojn hazarde retrovitajn sur farmista kampo. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „felietonoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 962-a E_elsendo el la 12.05.2019 ĉe www.pola-retradio.org

En la nunsemajna literatura segmento ni prezentas la 94-an fragmenton de la romano de Henryk Sienkiewicz „Quo Vadis” en la E-traduko de Lidia Zamnhof. La elsendon komencas mallonga kronvirusa kroniko, post kiu sekvas informoj pri kunlabora kontrakto inter la pola elektronika nuboperatoro kaj Microsoft kaj pri pliaj polaj proponoj por la listo de Unesko pri la monda kulturheredaĵo. La sciencbultena temo traktas apartajn proprecojn de kupro aplikeblajn en la kuracado, interesajn ankaŭ laŭ la vidpunkto de la kronvirusa epidemio. Muzike akompanas nin hodiaŭ Andrzej Tomecki. La interreta foto apudanta la programinformon rilatas al la pola tradcio de falkodresado, kiun Pollando kune kun aliaj ŝtatoj proponis por Unesko-listo de la monda kulturheredaĵo En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun la indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 961-a E_elsendo el la 08.05.2020 ĉe www.pola-retradio.org

Unuavice, ni transdonas niajn elkorajn kodolencojn al la vaste konata en Esperantujo pola esperantisto, Roman Dobrzyński pro la forpaso – post longa malsano – de lia edzino Erika. Ili aŭdiĝas komence de nia E-komunuma segmento.
Komence de la programo ni referencas al la pasanta hodiaŭ 75-a datreveno de la finiĝo de la 2-a mondmilito kaj ĉi-rilata deklaro de la ministerioj de la centr- kaj orienteŭropaj landoj. Aŭdiĝas sekve nia kronvirusa kroniko. La kulturkronikaj aktualaĵoj rilatas al la vizitcela refunkciigo de la Reĝa Kastelo en Varsovio, al polaj arkeologiaj laboroj sur Kipro kaj al la nunjara eldono de la inaŭgurataj en majo Chopin-recitaloj en la varsovia Łazienki-parko. En nia felietono pri koninda Pollando ni proksimigas la plej malnovan kristanan konstruaĵon en Pollando, la masonitan Rotondon de s-ta Nikolao el la 11-a jarcento en Cieszyn. La E-komunumaj informoj rilatas al kunlaboro de UEA kaj UN kaj Aŭskultejo de Stano Marček ĉe la Biblioteko de GEA en Aalen. Muzike akompanas la E-lingva versio de „Rezistos mi” el la jutuba kanalo de Pangea Eldonejo kaj la kanto „Diru al mi” en la plenumo de Stano Marček. La interreta foto akompananta nian programinformon prezentas la traktitan en la felietono rotondon de S-ta Nikolao en Cieszyn. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj” kaj „felietonoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 960-a E_elsendo el la 05.05.2020 ĉe www.pola-retradio.org

En nia felietono “Foliume tra la E-Gazetaro” ni donas la atenton al du lastaj numeroj de „Kontakto” kaj al la aprila numero de „Novaĵoj Tamtamas” el la japana Jokohamo en la kunteksto de la kronvirusa pandemio. Post mallonga kronvirusa kroniko niaj aktualaĵoj informas pri ŝparitaĵoj de poloj kaj pri la donitaĵoj rilate al konsumado de alkoholaĵoj en Pollando fine de 2019. La sciencbultenaj temoj traktas la mesaĝservon al „Kvaranteno” por mildigi la sekvojn de socia izoliĝo kaj apartan dependecon inter cikonioj kaj bovinoj. Muzike akompanas nin Kajto per fragmentoj de siaj kanzonoj „Trinkkanto” kaj „Mi serĉas la Sunon” el ĝia KD „La universala arbo”. La elsendon akompanas la interreta foto rilatanta al la scienca temo pri efikoj de sinpaŝtado de cikonioj kun bovinoj.
En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun indiko de i.a. tempodaŭro. Hodiaŭ ili aldoniĝas en la rubrikoj „novaĵoj” , „sciencaj informoj” kaj „felietonoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. Nia arkiva interparolo kun nia antaŭmikrofona gasto estas aŭdebla ankaŭ eksterelsende en la rubriko „Antaŭ la mikrofono”. La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D

La 959-a E_elsendo el la 01.05.2020 ĉe www.pola-retradio.org

En nia hodiaŭa elsendo ni prezentas la sonversion de la videomesaĝo, kiun okaze de la virtuala Malferma Tago prezentis la UEA-prezidanto, Duncan Charters. Krom mallonga komence kronvirusa kuriero ni proponas ampleksajn kulturkronikajn informojn. Ili koncernas laŭreatojn de la pola-germana premio, kiun patronecas Bogumił Linde (rigardu nian felietonon el la E-elsendo – 22.04.2016); la malfermotajn ekde la 4-a de majo polaj muzeoj, artgalerioj, bibliotekoj; finrekonstruadon de Poznański-palaco en Lodzo; la ŝovitan je aŭtuno ekspozicion de tolaĵoj de la pola baroka pentristo Szymon Czechowicz. En E-komunuma segmento ni informas krome pri la projekto de Esperanto-Gironde prilabori kolekton de kanzonoj de Georges Brassens tradukitajn en Esperanto. Muzike akompanas nin hodiaŭ per fragmento de sia kanzono Esperanto Desperado „Mi malamas militon” el la KD „Hotel Desperado” eldonita de Vinilkosmo. La akompana al la programinformo foto prezentas Draphalojn en Krakovo, kiuj ĝis la mezo de majo estos remalfermitaj por publiko. Eksterelsende tradicie troviĝas en la unuopaj rubrikoj de nia paĝo paralele legeblaj kaj aŭdeblaj tekstoj el la hodiaŭa programo. Temas pri „kulturkronikaj informoj”. Ne hezitu uzi tiun ĉi servon mem kaj rekomendi al aliaj kiel efikan manieron altigi la aŭdokomprenon kaj parolkapablon. La elsendo estas aŭdebla ankaŭ en jutubo ĉe la kanalo Espero2009: https://www.youtube.com/results?q=pola+retradio&sp=CAI%253D. I.a. pere de ĝi vi povas rapidigi aŭ malrapidigi la parolrapidecon konforme al viaj bezonoj.

La 958-a E_elsendo el la 28.04.2019 ĉe www.pola-retradio.org

Ni memorigas el la arkivejo de la E-Redakcio de Pola Radio interparolon kun veterana hispana esperantisto Eduardo Larrouy López, forpasinta lastlunde en la aĝo de 107 jaroj. En la interparolo kun red. Barbara Pietrzak en 2004 okaze de la 6-a EEU-kongreso la 91-jaraĝa veterano rakontas pri sia esperantistiĝo, E-agado kaj la plej grava liaopinie tasko – disvastigi Esperanton. Post la kronvirusa kroniko niaj aktualaĵoj informas pri neceso de la ŝtatoj zorgi pri medicina sekureco, pri novaj profesioj de la nunaj infanoj kaj pri la 25-jariĝo de la varsovia metroo. La scienbultena temo traktas sanproblemojn de astronaŭtoj post longa estado en la kosmo. Muzike akompanas nin la grupo „Kaj Tiel Plu” per la fragmento de la kanzono „Adiaŭ birdeto mia”. La elsendon akompanas la interreta foto rilatanta al nia scienca temo prezentanta kosmonaŭton en sengravita realo. En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el nia elsendo. Niaj ĉepaĝaj rubrikoj enhavas cetere centojn da malpli novaj aŭdo-/legodokumentoj kun indiko de i.a. tempodaŭro. Hodiaŭ ili aldoniĝas en la rubrikoj „novaĵoj” kaj „sciencaj informoj”. Dank’ al ĉi tiu nia servo eblas efike altigi la aŭdokomprenon kaj parolkapablon. Uzu do ĝin mem kaj rekomendu al aliaj. Nia arkiva interparolo kun nia antaŭmikrofona gasto estas aŭdebla ankaŭ eksterelsende en la rubriko „Antaŭ la mikrofono”. La elsendo estas aŭdebla ankaŭ en jutubo ĉe la kanalo Espero2009; ĝi ebligas laŭplaĉe reguligi la parolrapidecon: https://www.youtube.com/results?q=pola+retradio&sp=CAI%253D