Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

La naskiĝurbo de Esperanto

Arkivoj

Kategorioj

La 755-a E_elsendo el la 23.05.2018 ĉe www.pola-retradio.org

– Hodiaŭ ni felietonas pri eksterordinara kultura centro ĉe la dekstra parto de la pola ĉefurbo, „Konsulejo de Prättigau-valo”. Temas pri la libera, krea spaco, interŝanĝejo de eksterordinaraj artaj ideoj kaj popularigado de la lokaj tradicioj kaj folkloro. Ĝia konsulo estas enamiĝinta al Pollando Rudolf Steiner, svisa artisto malferma al ĉiuspeca arto, aparte >performance< zorganta pri reciprokaj kulturaj interŝanĝoj, kiel ekz-e laborsesioj de studentoj pri fotoarto el la svisa Vevey. Dank’ al li ni i.a. konatiĝis kun la libro „Bonan Tagon. Mia nomo estas Perzival”, kiun li kunportis por la Bjalistoka E-Biblioteko.
– En la komencaj aktualaĵoj ni informas pri la scienca sesio en Lodzo dediĉita al la kontraŭpola germana kaj sovetunia leĝaro dum la 2-a mondmilito; pri la decido de la Monda Sanorganizo ĝis 2023 forigi el la merkato la acidajn grasojn trans; pri 500 plantataj kverkoj en Lublin-vojevodio (la orienta Pollando) por omaĝi la jubileon de la pola suvereneco.
– La sciencbultenaj temoj rilatas al la praktiko monitori la cerboondojn de laboristoj en Ĉinio por altigi produktivecon, kaj al plej malnovaj kontinentaj plantoj malkovritaj en la pola Sanktakruca Montaro.
– Muzike akompanas nin Lunatiko per la fragmento de la kanzono „Planedo Esperanto” el la KD „Elektronika Kompilo” eldonita de Vinilkosmo. Aŭdiĝas krome unu el la varsoviaj folkloraj kantoj en la plenumo de la kant- kaj dancgrupo de la Varsovia Politekniko.
– La interreta foto prezentas unu el la kverkoj plantitaj en Lublin-regiono (la orienta Pollando) por omaĝi la jubileon de la pola suvereneco.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 754-a E_elsendo el la 18.05.2018 ĉe www.pola-retradio.org

– Hodiaŭ en la felietono pri Koninda Pollando ni prezentas al vi unu el la plej novaj dek Historiaj Monumentoj de nia lando. Temas pri la Katedrala Altaĵo en la urbo Płock (pŭock) en la centra Pollando. Ĝia historio ligiĝas kun la kreo de la ŝtataj fundamentoj dum la regado de la unuaj regantoj de Piast [pjast]-dinastio.
– En la komencaj kulturkronikaj informoj ni referencas al la eventoj de 15-a Nokto de la Muzeoj en Varsovio; du ekspozicioj logantaj en la varsovia Łazienki-Parko. Fine ni informas pri ekspozicio kadre de la soci-eduka kampanjo dediĉita al polaj naciaj simboloj en la artgalerio Kordegarda.
– La E-komunumaj informoj rilatas al la 53-a Brazila Kongreso de Esperanto (http://2018.esperanto.org.br) kaj al la aŭgusta Nitobe–simpozio en Lisbono pri la temo: “Instruado kaj esplorado pri Esperanto en soci-interlingvistiko, interlingvistiko kaj en sociaj sciencoj”.
– Per la kanzono de Jomo „Sur la mar’” el la KD „Jomo friponas” ni salutas la partoprenantojn de IFEF-kongreso en Vroclavo kaj de la samloka 3-a Interkultura Maja Rendevuo. Ni memorigas fragmente la kanton „Ondo” el la KD „Tom Jobim en Esperanto”, en la plenumo de Flávio Fonseca; E-version de la portugala kanto Amar Pelos Dois prezentas Ifan Rais.
– La interreta forto prezentas la heroon de nia nunsemajna felietono, t.e. la Katedralan Altaĵon de Płock.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 753-a E_elsendo el la 15.05.2018 ĉe www.pola-retradio.org

– Ĉi-marde antaŭ nia mikrofono ni gastigas unu el la lastatempaj diplomitoj de la Interlingvistikaj Studoj en Poznano, Rafael Zerbetto. Nia interparolo rilatas al lia finverko pri unu el la elstaraj brazilaj verkistoj João Guimarães Rosa, kiu estis ankaŭ esperantisto. Nia interparolanto prezentas kelkajn interesajn ideojn pri la spuroj de Esperanto en liaj verkoj, sed ankaŭ rilatigas sin al lia esperantista agado kaj diplomata vivo.
– La komencaj aktualaĵoj rilatas al la lunda vizito de la hungara ĉefministro Viktor Orban en Pollando, al la lunda sangoverŝa protesto de palestinanoj en la sfero de Gazo en la Proksima Oriento, al klopodoj supervenki la postbalotan krizon en Italio. Fine ni informas pri la laste malkovrita plej alta arbo de la lando.
– La sciencbultenaj temoj raportas pri nova aranĝaĵo helponta savi homojn priŝutitaj en la rezulto de tertremoj, domkroloj kaj simile. Kaj pri laboroj, kiuj permesis konatiĝi kun la kompleta genomo de rozo.
– Muzike akompanas nin „Kore” per fragmento de sia kanzono „Muzik’” el la KD „Tielas Vivo” eldonita de Vinilkosmo.
– La interreta foto de rozo referencas al la sciencbultena informo pri finitaj laboroj koncerne la genomon de rozo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 752-a E_elsendo el la 11.05.2018 ĉe www.pola-retradio.org

– Nian felietonon pri Koninda Polo ni dediĉas hodiaŭ ne sole al la pola sciencisto, sed ankaŭ figuro bone konata de esperanistoj interesiĝantaj pri la E-historio, prof. Odo Bujwid.
– La komencaj kulturkronikaj informoj rilatas al la koncerto okazinta en Varsovio kaj dediĉita al la poezio de polaj malliberigitinoj de la germana koncentrejo Ravensbrück, al la daŭranta 9-a Varsovia Librofoiro.
– La E-komunumaj informoj koncernas konkurson pri mallongaj filmetoj, organizitan de EDE-France (http://www.europe2019.org/concoursvideos) kaj alvokon kontribui al preparoj de la nunjara Nitobe-simpozio dediĉita al la temo „Esperanto kaj Universitato” (https://docs.google.com/forms/d/e/1FAIpQLSfqrjA3pBIv8Bp-B742_XP_vMaDHDvtjoKSaM467-EbaCu7NQ/viewform?usp=sf_link)
– La interreta foto prezentas la heroon de nia felietono, elstaran scienciston kaj esperantiston, profesoron Odo Bujwid.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 751-a E_elsendo el la 08.05.2018 ĉe www.pola-retradio.org

– En la literatura segmento de nia marda E-elsendo ni prezentas la 69-an fragmenton de la romano de la pola Nobel-premiito Henryk Sienkiewicz „Quo Vadis”. Ĝian E-lingvan tradukon faris Lidia Zamenohof.
– Niaj aktulaĵoj rilatas al la internacia konferenco en Varsovio pri la protektado de la monda Unesko-heredaĵo, pri la distingo de la urbo Kielce fare de Konsilio de Eŭropo kaj pri la omaĝo al la martirologio de polaj infanoj dum la 2-a mondmilito, la unuan fojon solenita sur la tereno la germana koncentrejo por ili destinita (en la urbo Lodzo) funkcianta en la jaroj 1942-1945.
– La sciencbultena temo koncernas la ĵus startigitan mision al la Marso, al kiu kontribuis i.a. ankaŭ poloj.
– Muzike akompanas nin Vojaĝo per la fragmento de la kanzono „La Tero suferas” el la KD „Planedo nia” eldonita de Vinilkosmo.
– La interreta foto prezentas monumeton omaĝantan la martirologion de la polaj infanoj en la unusola ĉi-speca germana koncentrejo en Eŭropo funkciinta en la urbo Lodzo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 750-a E_elsendo el la 04.05.2018 ĉe www.pola-retradio.org

– En la hodiaŭa felietono el la ciklo Koninda Pollando ni prezentas malgrandan urbon proksime al Varsovio, Góra Kalwaria, kiu havis tamen tre interesan historion speguliĝantan parte en ĝia nomo, kiu esperantlingve signifas la Kalvaria Monto.
– La komencaj kulturkronikaj informoj rilatas al ekspozicio pri la laboro de polaj konservistoj en Krakovo kaj al unu el multaj somere daŭrantaj en Varsovio muzikfestivaloj.
– En la E-komunumaj informoj ni parolas pri la grava ŝtata distingo por la nederlanda esperantisto, Rob Moerbeek; ni informas pri la forpaso de pastro Lajos Kobor, longjara aktivulo de IKUE. En tiu ĉi programsegmento ni prezentas krome raporton pri la aprila E-evento en la brazila Lorena.
– Muzike akompanas nin en Leterkesto Jacques Yvart per la kanzono de Georges Brassens „La pluvombrelo” el la KD „Jacques Yvart kantas Georges Brassens” eldonita de Vinilkosmo.
– La interreta foto prezentas la alrigardon al la urbo, pri kiu hodiaŭ ni felietonas Góra Kalwaria.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 749-a E_elsendo el la 01.05.2018 ĉe www.pola-retradio.org

– Nia hodiaŭa elsendo enhavas la lastan parton de la inaŭgura prelego de d-ino Vera Barandovska-Frank dediĉita al la temo „Studobjekto: Interlingvistiko” dum la 4-a Interlingvistika Simpozio en Poznano.
– En Pollando ni ĝuas longan semajnfinon, kiu i.a. ligiĝas kun la laborista tago la 1-an de majo kaj la Tago de la Triamaja Konstitucio de antaŭ 227 jaroj. En niaj aktualaĵoj ni informas pri la varsoviaj Kavaleriaj Tagoj, pri 20 historiaj filmoj por polaj lernejanoj, kiuj povas konatiĝi kun la historio de Pollando baze de famaj historitemaj pentraĵoj kaj pri 10 novaj historimonumentoj.
– La sciencbultenaj temoj rilatas al la malkovro de sensacie malnovaj spuroj de homo en Norda Ameriko kaj demencosekvoj de la malmoviĝema vivstilo.
– Muzike akompanas nin i.a. Mélanie Prin memorigante fragmente Tangon de Amo de Gilbert Drigon kaj Lorenzo Tomezzoli. Vi aŭdas krome citaĵojn el antaŭmilita kanto pri la pola kavalerio kaj pola filmuziko.
– La interreta foto prezentas la polan kavalerion en la parada funkcio.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 748-a E_elsendo el la 27.04.2018 ĉe www.pola-retradio.org

– La heroo de nia felietono pri Koninda Polo estas Jan Karski kiu i.a. dufoje kontrabande troviĝinta en la varsovia getto, laŭ la decido de la Pola Ŝtato en Elmigrejo jam en la 1942-a jaro transdonis al la okcidentaj aliancanoj informojn pri la ekstermado de judoj.
– Nia komenca aktualaĵo rilatas al la antaŭenpaŝo en la rilatoj inter ambaŭ Koreioj post la vendredaj interparoloj de la du koreaj gvidantoj Mun Dze In kaj Kim Dzong Un.
– La kulturkronikaj informoj koncernas restaŭroplanojn de la historiaj ĝardenoj en la kastelo Książ (la sudokcidenta Pollando) kaj renovigadon de boato de slavoj, kiuj en la frua mezpeoko rivalis sur Baltiko kun vikingoj.
– La E-komunaj informoj liveras informojn pri la maja E-evento en Vroclavo kaj Góra (la sudokcidenta Pollando) kaj pri la oktobra 26-a Internacia Semajno de Kulturo kaj Turismo, Salou 2018 [http://esperanto-salou.blogspot.com.es/2018/01/aligilo-salou-2018.html]
– Muzike akompanas nin hodiaŭ Grazia Barboni per sia ital-esperanta versio de Spiritual kaj JoMo, kies kanton Ĉu vi volas danci ni fragmente citas (temas pri la kanzono de la KD eldonita de Vinilkosmo).
– La interreta foto referencas al la temo de nia felietono prezentante unu el la benko-monumentoj de Jan Karski.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 747-a E_elsendo el la 24.04.2018 ĉe www.pola-retradio.org

– Hodiaŭ ni proponas en nia elsendo la 2-an parton de la inaŭgura prelego de d-ino Vera Barandovska-Frank dediĉita al la temo „Studobjekto: Interlingvistiko” dum la 4-a Interlingvistika Simpozio en Poznano.
– En la komencaj aktualaĵoj ni prezentas informojn pri la pola migropolitiko, kiujn prezentis semajnfine en Vieno ministro Marek Suski, kaj pri daŭre kreskanta nombro da judoj el Israelo ricevantaj polajn pasportojn.
– Niaj sciencbultenaj temoj rilatas al la kontraŭbakteriaj proprecoj de grafentavoletoj aranĝitaj vertikale kaj pri la konkerado de la montopintoj per tiom kuriozaj plantoj kiel…. tomato. Verdire temas pri la ekspansio de plantoj aliregionaj, kiuj forpuŝas la originajn plantospeciojn.
– Muzike akompanis nin Ale Kosabela per fragmento de sia kanzono „Kroma Sun” el la KD „Revolucio en pajleraro” eldonita de Vinilkosmo.
– La interreta foto referencas al la temo de nia sciencbultena informo pri kontraŭbakteriaj proprecoj de grafeno, kiam ĝiaj tavoletoj estas aranĝitaj vertikale.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 746-a E_elsendo el la 20.04.2018 ĉe www.pola-retradio.org

– Nia nunsemajna felietono pri Koninda Pollando kondukas nin al unu el la plej interesaj kuraclokoj de la nordokcidenta Pollando – Połczyn Zdrój.
– La komenca kulturtema kroniko informas pri la inaŭguro de la solenadoj – lige kun la 100-jariĝo de la reakirita sendependeco de Pollando en Stalowa Wola – per ekspozicio dediĉita al elstara pola historitema pentristo Jan Matejko. Krome ni parolas pri la 90-jariĝo de la varsovia ZOO-ĝardeno.
– La abunda E-komunuma segmento liveras informon pri kvarjara Esperanto-fako en Zaozhuang-a Universitato, Ĉinio; pri du interesaj nunsemajnaj eventoj en Madrido direktitaj al la hispana publiko, sed konekse kun esperantista aktivado; pri maja simpozio dediĉita al “Multlingvismo en internaciaj organizaĵoj kaj internacia kunlaboro” (Novjorko) kaj pri la junia partopreno de TEJO en Eŭropa Junulara Evento (Strasburgo).
– Por la muzika akompano ni elektis la kanzonon „Branĉo” el la KD Espo Despo Bosniumas eldonita de Vinilkosmo.
– La akompana interreta foto ebligas alrigardi la kuraclokon Połczyn Zdrój, pri kiu ni hodiaŭ felietonas.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play