Kontaktu nin

Aŭskultu nin kaj aŭskultigu aliajn!

Skribu kaj komentu:
retradio.esperanto@gmail.com
(aŭ barbarinella@gmail.com)
Amikaro de Pola Retradio en Esperanto.

Subtenu nin

Donacu rete al UEA konto vars-t

※ Donaco estos pagita sumo minus 5% de administraj kostoj ĉe Paypal.
※ Via nomo aperos en la listo de donacintoj. Kontaktu la redakcion se vi volas resti anonima

Redakcia teamo

Barbara PIETRZAK
Gabriela KOSIARSKA
Milada SZWEDO
Maciej JASKOT
Krystyna GROCHOCKA
Tomasz MILLER
Saliĥ ZAKIROV
Bruce CRISP

La naskiĝurbo de Esperanto

Arkivoj

Kategorioj

La 678-a E_elsendo el la 17.08.2017 ĉe www.pola-retradio.org

– Niaj komencaj kulturkronikaj informoj rilatas al la daŭranta  en Varsovio festivalo „Chopin kaj lia Eŭropo”. Tiun informon akompanas muzikĉitaĵo el lia valso Sol-maĵora. Ni informas krome pri baldaŭ komenciĝonta la 55-a Festivalo de Moniuszko en Kudowa Zdrój (la sudokcidenta Pollando) baldaŭ komenciĝonta. Tiun informon akompanas fragmento de la fama mazuro el la unua akto de la opero „Halka” de la komponisto.
– Nian hodiaŭan ampleksan retrorigardon al la Seula UK ni dediĉas tutece al la sonraporto pri la Movada Foiro disvolviĝinta la 22-an de julio 2017 ĉe nia tablo de la Pola RetRadio (kiun ni dividis kun Akademio de Esperanto kaj rusaj esperantistoj). Disdonante vizitbiletojn de nia Redakcio, renkontiĝante kun preterpasantoj vizitantaj diversajn tablojn ni kaptis la okazon por registri kelkajn opiniojn pri nia laboro kun malnovaj kaj novaj amikoj, aŭskultantoj (-intoj) de niaj programoj el Francio, Japanio, Koreio, Hispanio, Vietnamio, Nepalo, Nederlando, Tajvano, Nederlando, Danlando kaj Germanio.
– La kulturkronikaj informoj estas paralele, t.e. samtempe legeblaj kaj aŭdeblaj en la koncerna rubriko de nia paĝo.
– La porgraminformon akompanas la foto el la Interreto prezentanta la fotosuperrigardon pri la Movada Foiro 2017.
– GRAVA ATENTIGO: Nia laŭvica E-elsendo audiĝos post kelka paŭzo en la lasta semajno de aŭgusto.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 677-a E_elsendo el la 15.08.2017 ĉe www.pola-retradio.org

– La komencan parton de la elsendo okupas informoj ligitaj kun la Festo de la Polaj Armeaj Fortoj solenata en la 97-a datreveno de la venka batalo apud Varsovio kontraŭ ekspansiantaj bolŝevistoj en 1920. Ni referencas ankaŭ al la solenata en Pollando religia festo de la Ĉielpreno de la Plej Sankta Maria Virgulio, kiu tradicie venigis al la Maria-kultolokoj amason da pilgrimantoj, unuavice al la Hela Monto en Częstochowa.
– En la scienca bulteno ni informas pri esploroj elmontrantaj la cerbostrukturon en la kunteksto de homa religiemo. Alia informo rilatas al la demando kiel konstati, ke kelkaj birdoj pesas sian nutraĵon.
– La hodiaŭa sonraporto la laŭvican fojon referencas al la varmaj tagoj de la Seula UK. Ĉi-foje antaŭ nia mikrofono gastas LKK-ano PARK Chang Bok, kiu respondecis pri la videoregistraĵoj disbildigataj dum la kongresa tempo kaj videoraportoj pri tiaj eventoj kiel Solenaj Inauguro kaj Fermo, Nacia kaj Internacia Artaj Vesperoj. Nia gasto estis ankaŭ Jukka Pietiläinen, kiu ne nur ĝuis la kongresajn eventojn, sed partoprenis ankaŭ komitatajn kunsidojn kaj kolektis materialon por sia tradicia raporto postkongresa de Sezonoj. Ni interparolas fine kun Ana Striganova el la revuo „Esperanto” pri ŝia dumkongresa laboro kaj preparoj al la postkongresa numero de la revuo.
– La aktualaĵoj kaj sciencbultenaj informoj estas paralele, t.e. samtempe legeblaj kaj aŭdeblaj en la koncerna rubriko de nia paĝo.
– La porgraminformon akompanas la foto ligita kun la oficialaj solenadoj de la Festo de Polaj Armeaj Fortoj, prezentanta la Tombon de Nekonata Soldato en Varsovio.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 676-a E_elsendo el la 11.08.2017 ĉe www.pola-retradio.org

– La hodiaŭa sonraporto la laŭvican fojon referencas al la varmaj tagoj de la Seula UK. Ĉi-foje ni referencas al renkontiĝo kun laŭvica azia aŭskultanto de niaj elsendoj, ĉi-foje japano Yasuo Tabuchi, kiu i.a. esprimis la deziron, ke ni intervjuu multajn koreajn esperantistojn. Tion ni klopodis fari. Hodiaŭ antaŭ nia mikrofono gastas Joĉo, se ni bone deĉifris Yi Yong-chol, kiu gvidis la eksurson D3 i.a. al la Dezajna Placo Dogndaemun kaj Bazaro Gwangjang, krome kunhelpis en la ekskurso E1 KSZ kaj Imjingak.
– La komencaj kulturaj informoj rilatas al eksterordinara ekspozicio en la krakova Europeum de la bildo de Madono kun sovaĝa frago, al la ĵus funkciigita portalo Polonikum kaj al la proksimiĝanta muzikfestivalo Laŭ la gotika itinero http://www.famd.pl/festiwale/festiwal-na-gotyckim-szlaku/64-2017/295-viii-edycja-letniego-festiwalu-wedrownego-na-gotyckim-szlaku.html
– En la programo ni memorigas la varsovian kanzonon pri alloga ripozo en Bielany-Arbaro, kiun plenumas la ensemblo de la Varsovia Politekniko furoranta antaŭ 30 jaroj dum la Varsovia UK.
– La kulturinformoj estas paralele, t.e. samtempe legeblaj kaj aŭdeblaj en la koncerna rubriko de nia paĝo.
– La programinformon akompanas la foto el la retejo de la Seula LKK, kiu prezentas la Dezajnan Placon Dangdaemun.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 675-a E_elsendo el la 08.08.2017 ĉe www.pola-retradio.org

– Per la hodiaŭa sonmaterialo laŭvican fojon ni referencas al la varmaj tagoj de la Seula UK. Ĉi-foje reference al la diversmaniere elstarigata Zamenhof-Jaro 2017. Tial nia akompana al la programinfomo foto prezentas la kovrilpaĝon de la broŝuro spegulanta la ekspozicienhavon de la Pola Ministerio por la Eksterlandaj Aferoj, „Zamenhof – la kreinto de Esperanto”. Ni interparolas krome pri diversaj eventoj lige kun la Jaro en Kubo, kun reprezentanto de KEA, Alberto Fernández-Calienes Barrios.
– La komencaj aktualaĵoj rilatas al la starpunkto de Japanio pri minacoj ligitaj kun la Norda Koreio, al Centro de Polusaj Esploroj en Toruno kaj pri la nunjara turisma rekordo en la salminejo Wieliczka.
– La scienca rubriko koncentriĝas pri la demando ligita kun neceso zorgi pri la cerbolerteco same kiel pri aliaj organoj de la homa organimso.
– En la programo ni memorigas la parodian kanzonon de Georgo Handzlik pri la E-klubo Verda Stel’
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 674-a E_elsendo el la 05.08.2017 ĉe www.pola-retradio.org

– La komencaj kulturkronikaj informoj rilatas al la biblioteka projekto Patrimonium, kiu ĵus komenciĝis en Pollando kaj al interesa ekspozicio dediĉita al la pola reĝo Johano la 3-a Sobieski en Vieno.
– Reference al la 102-a UK en Seulo ni prezentas la registritan dum ĝi interparolon kun Maria Belosević el Kroatio, kiu havante plurajn respondecojn dumkongresajn respondecis ankaŭ pro aparta ekspozicio en la kongresa libroservo. Ĝi kaj aliaj kroataj eldonaĵoj lastjaraj estas la temo de nia interparolo.
– Hodiaŭ denove aŭdiĝas nia Leterkesto kun i.a. reagoj je niaj prikongresaj raportoj.
– Nia foto prezentas fragmente la libroservan salonon dum la 102-a UK en Seulo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 673-a E_elsendo el la 03.08.2017 ĉe www.pola-retradio.org _ Seulo 3

– La hodiaŭa elsendo enhavas tri sondokumentojn, antaŭmikrofonajn interparolojn kun tri partoprenintoj de la 102-a UK en Seulo. Osmo Buller el Finnlando rakontas pri sia eksteresperantista vivo kaj kariero post la reveno al la hejmlando, kie li fariĝis grava figuro en la propora municipo Taivalkoski. Ni interŝanĝas i.a. informojn pri lia aktiveco kiel Komitatano C kaj pri liaj aliaj E-komunumaj taskoj. Albert Stalin Tancinco Garrido el Filipinoj dividas la impresojn pri sia unua en Seulo UK kaj rakontas pri sia organiza E-laboro en Filipinoj kaj movadaj interesiĝoj. Arko el Ĉinio prokismigas la detalojn de la laŭtlega konkurso de TEO kaj AMO kaj konfesas, kion ŝi plej ŝatas en la E-elsendoj de la Pola RetRadio.
La akompana al la programaminformo foto prezentas legomstandon ĉe fama bazaro Gwangjang en Seulo
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 672-a E_elsendo el la 01.08.2017 ĉe www.pola-retradio.org

– En nia hodiaŭa E-elsendo jam el Varsovio ni prezentas la ferman paroladon de Mark Fettes, la prezidanto de UEA, kiun li eldiris dum la Solena Fermo de la 102-a UK en Seulo la lastan sabaton, t.e. la 29-an de julio 2017. El la Solena Fermo devenas la kanto de Kajto „Ĝis revido”, per kiu ĝi kantigis pli frue partoprenantojn de sia kantateliero, en la fermo ĉiujn kongresanojn.
– Komence de la elsendo ni referencas al la solenata en la tuta lando 73-a datreveno de la eksplodo de la Varsovia Insurekcio 1944 kontraŭ la germana okupaciinto. Ni aŭdigas fragmente unu el la plej popularaj insurgentaj kantoj pri la varsoviaj infanoj, engaĝiĝintaj en la batalojn.
– La akompananta nian programinformon foto prezentas  infanojn,  insurgentojn 1944.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 671-a E_elsendo el la 26.07.2017 ĉe www.pola-retradio.org 

– La dua sonraporto el Seulo, el la 102-a UK enhavas alrigardon al la lunda, marda kaj merkreda kongresprogramo. En ĝi vi trovas sonbildojn pri Kleriga Lundo – Kanto-Kun-Kant-Kanonado, interparolon kun Richard Delamore kaj Chuck Smith pri Amikumo, pri kiu ili parolis ankaŭ ekster la programo de la Kleriga Lundo. Ni surbendigis etan sonscenon pri la filatela giĉeto, kie eblas aĉeti memoraĵojn ligitajn kun la 102-a. Fine ni renkontiĝas kun nia aŭskultanto Tagiĝo, Hoi Jung-Chung, kiu aŭskultas nin ankaŭ dum la kongresa tempo.
Muzike akompanas ni citaĵoj el la programo de la Nacia Vespero.
– La akompananta nian programinformon foto prezentas elbusan alrigardon al Koreio dum la ekskurso al Buyeo – iama ĉefurbo de Baekje.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 670-a E_elsendo el la 23.07.2017 ĉe www.pola-retradio.org _Seula UK

– La unua sonraporto el Seulo, el la 102-a UK enhavas superrigardon pri la sabata kaj dimanĉa programoj. En ĝi vi trovas sonbildojn, etajn intervjuojn kun la oficisto de la CO de UEA, Tobiasz Kaźmierski kun kiu ni interparolas pri lia laboro, interesiĝo de kongresanoj pri la ekskursa programo kaj bankedo. Xu Xiaonan el Ĉinio dividas siajn impresojn pri la unuaj momentoj de la 102-a. Sekve korea esperantistino, kiu mem prezentas sin en la interparolo klarigas la ideon de Internacia Pontkunveno por la Unuiĝo de Korea Duoninsulo kaj fine Maria Beloŝević el IKUE mallonge raportas pri la dimanĉaj Ekumena Diservo kaj katolika meso.
– La akompananta nian programinformon foto prezentas unu el pluraj stratfostoj en la kongreseja ĉirkaŭaĵo komunikantaj al la seula publiko pri la okazanta 102-a Universala Kongreso de Esperanto en ilia urbo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play

La 669-a E_elsendo el la 20.07.2017 ĉe www.pola-retradio.org

– La hodiaŭa felietono „Inter Pollando kaj Koreio” en la kunteksto de la proksimiĝanta 102-a UK en Seulo traktas la kontaktojn inter Pollando kaj Koreio. Ni rilatas al la nunaj kontaktoj kun la Suda Koreio, sed ankaŭ referencas al historio, kiam al la Korea Duoninsulo komence de la 19-a jarcento venis la unuaj poloj.
– La kulturkronika informo rilatas al interesa ekspozicio en Olsztyn-kastelo (la nord-orienta Pollando), kie estas prezentataj mebloj el la epoko de Kopernik. Kopernik aperas en la nomo de la ekspozicio nesenkaŭze, nome li rezidis tie du fojojn kaj eble eĉ uzis iun el la prezentataj mebloj.
– Niaj E-komunumaj informoj rilatas al la ĵusa apero de „Informilo por Interlingvistoj” http://www.esperantic.org/wp-content/uploads/2015/09/IpI-101_2017.pdf kaj „Information for Interlinguists” www.esperantic.org/en/publications/ifi-information-for-interlinguists. Ni krome informas pri la aperinta antaŭkongrese „Unesko-Kuriero” senpage elŝutebla ĉe: http://uea.org/pdf/Unesko-Kuriero_1-2017.pdf.
– Por la hodiaŭa elsendo ni elektis la kanton de Georgo Handzlik, kompreneble pri Universala Kongreso.
– La akompananta nian programinformon interreta foto prezentas epizodon el la Korea Festivalo en Varsovio, kiu apartenas al la plej novaj tradicioj de la pola ĉefurbo.
– La kulturkronika informo kaj la felietono estas paralele legeblaj kaj aŭskulteblaj en la koncernaj rubrikoj de nia paĝo.
– Nia elsendo estas aŭskultebla ankaŭ en jutubo pere de: https://www.youtube.com/results?q=pola+retradio&sp=CAI%253D

Play